İQTİSADİYYAT


BƏƏ Azərbaycanda “yaşıl” enerji sahəsində yeni investisiya layihələrində iştirakda maraqlıdır

Bakı, 8 may, AZƏRTAC

Azərbaycan Respublikasının energetika naziri Pərviz Şahbazov “Ümumdünya Kommunal Xidmətlər Konqresi” çərçivəsində Əbu-Dabidə Birləşmiş Ərəb Əmirliklərinin sənaye və qabaqcıl texnologiyalar naziri, Əbu-Dabi Milli Neft Şirkətinin idarəedici direktoru, “Masdar” şirkətinin sədri Sultan Əhməd Əl Caber ilə görüşüb.

Energetika Nazirliyindən AZƏRTAC-a bildirilib ki, görüşdə bu ilin mart ayında təməli qoyulan Qaradağ Günəş Elektrik Stansiyasının icrası, Qarabağ bölgəsində, həmçinin Xəzər dənizində, o cümlədən sahilə yaxın adalarda külək və günəş enerjisi layihələri, “yaşıl” hidrogen və enerji səmərəliliyi üzrə əməkdaşlıq məsələləri müzakirə edilib.

Azərbaycanın “yaşıl enerji” kursunun həyata keçirilməsində Birləşmiş Ərəb Əmirlikləri və onun qlobal nüfuza malik “Masdar” şirkəti ilə tərəfdaşlıqdan məmnunluq ifadə edilib. Qaradağ Günəş Elektrik Stansiyasının iki ölkə arasında yeni əməkdaşlıq əlaqələrinə yol açdığı qeyd edilib. “Masdar”ın Azərbaycanda irihəcmli külək və günəş enerjisi üzrə investisiya layihələrində iştirakda maraqlı olduğu bildirilib.

Söhbət zamanı “yaşıl” investisiya imkanları ətrafında fikir mübadiləsi aparılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.