SİYASƏT


BƏƏ-dəki “Azərbaycan” Cəmiyyəti ABŞ Konqresinin Nümayəndələr Palatasının sədrinə məktub göndərmişdir

Bakı, 20 dekabr (AZƏRTAC). Birləşmiş Ərəb Əmirliyində (BƏƏ) fəaliyyət göstərən “Azərbaycan” Cəmiyyəti uydurma “erməni soyqırımı” ilə bağlı qətnamənin ABŞ Konqresinin Nümayəndələr Palatasında müzakirəyə çıxarılmasına etiraz olaraq Palatanın sədri Nensi Pelosiyə məktub göndərmişdir.

Məktubda deyilir: “Biz Birləşmiş Ərəb Əmirliyində yaşayan azərbaycanlılar qondarma “erməni soyqırımı” məsələsinin Nümayəndələr Palatasında müzakirəyə çıxarılması təklifinə kəskin etirazımızı bildiririk. Artıq bütün dünya ermənilərin ABŞ-dakı məkrli əməllərindən xəbərdardır və onların çirkli pulları bəzi konqresmenlərin hesablarına göndərdiyini bilir. O da məlumdur ki, ermənilər 1992-ci ilin fevralında Azərbaycanın Xocalı şəhərində dinc əhaliyə qarşı soyqırımı törətmişlər. Sizdən və bütün Konqres üzvlərindən tələb edirik ki, 95 il müzakirəsi davam edən, baş verib-vermədiyi hələ də müəmma olan uydurma “erməni soyqırımı” əvəzinə, 19 il əvvəl baş vermiş Xocalı qətliamını gündəmə gətirib, bu hadisəyə qiymət verəsiniz”.

Diasporla İş üzrə Dövlət Komitəsinin mətbuat xidmətindən AZƏRTAC-a bildirmişlər ki, BƏƏ-dəki soydaşlarımız hesab edirlər ki, Türkiyə ilə əlaqələrin pisləşməsi ABŞ hökumətinin və xalqının marağına uyğun deyildir. ABŞ Konqresi qətnamənin təsdiqinə qarşı çıxacaq və öz ədalətli mövqeyini göstərəcəkdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.