İDMAN


BƏDİİ GİMNASTİKA ÜZRƏ DÜNYA KUBOKUNUN MƏRHƏLƏ YARIŞI BAŞA ÇATDI

Heydər Əliyev adına İdman-Konsert Kompleksində keçirilən bədii gimnastika üzrə Dünya kubokunun mərhələ yarışı aprelin 25-də başa çatmışdır. Sonuncu gün çoxnövçülükdə final yarışı keçirilmişdir.

AZƏRTAC-ın müxbiri xəbər verir ki, çoxnövçülük üzrə qızıl medala rusiyalı idmançı Alina Kabayeva, gümüş medala qazaxıstanlı Aliyə Yusupova, bürünc medala isə Olqa Kapranova (Rusiya) layiq görüldülər.

Azərbaycan gimnastları da uğurla çıxış etdilər. Dinara Gimatova dördüncü, Anna Qurbanova isə səkkizinci yeri tutdular.

Azərbaycan Gimnastika Federasiyasının xüsusi kuboku yarışın ən yaxşı idmançısına – Alina Kabayevaya təqdim olundu.

Beynəlxalq Gimnastika Federasiyası baş katibinin müavini Andre Qaysbuhler yarışın yüksək səviyyədə təşkilinə görə Azərbaycan Milli Olimpiya Komitəsinə, Azərbaycan Gimnastika Federasiyasına təşəkkürünü bildirdi və Federasiyanın vitse-prezidenti Altay Həsənova beynəlxalq federasiyanın vımpelini təqdim etdi.

Yarış başa çatdıqsan sonra idmançıların nümunəvi çıxışları oldu.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.