DÜNYA


BAKIDA GÜL BAYRAMI

11-də axşamüstü Milli parka gəzintiyə çıxan bakılılar və respublika paytaxtının qonaqları ürəkaçan mənzərə ilə qarşılaşmışlar. Hər tərəf al-əlvan, bahar ətirli güllərə qərq olmuşdu. 

Burada ənənəvi “Gül bayramı” keçirilirdi. Sahil boyu Milli parkın bütün xiyabanları Bakının ayrı-ayrı rayonlarının uşaq bağçaları və məktəblərinin ixtiyarına verilmişdi.

Balaca rəssamlar rəngbərəng güllərdən hörülmüş dövlət rəmzlərini, yazın gəlişinə həsr olunmuş rəsm əsərlərini nümayiş etdirirdilər. Müxtəlif dibçək güllərindən, qurudulmuş gül, bitki kollarından, göz oxşayan qəribə eksponatlardan ibarət sərgilər təşkil olunmuşdu.

Bakı Şəhər İcra Hakimiyyətinin başçısı Hacıbala Abutalıbov gül bayramının iştirakçılarını, paytaxt sakinlərini və qonaqlarını təbrik etdi, tədbirin hər il keçiriləcəyini, paytaxtın bütün rayonlarında təşkil olunacağını bildirdi.

Bakılılar və şəhərin qonaqları Azərbaycan incəsənət ustalarının çıxışlarını hərarətlə qarşıladılar.

AZƏRTAC

Foto Namiq Məmmədovundur

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.