İQTİSADİYYAT


BAKI BANKLARARASI VALYUTA BİRJASINDA HƏRRACLARIN YEKUNLARI

Bakı Banklararası Valyuta Birjasının (BBVB) valyuta bölməsində keçirilmiş hərracların yekunlarına görə avqustun 19-da USD/AZM-in orta hesablanmış birja məzənnəsi 1 ABŞ dolları üçün 4904,51 manat olmuşdur.

Birjanın informasiya-təhlil şöbəsindən AZƏRTAC-ın müxbirinə bildirmişlər ki, elektron hərraclarının birja sistemində (EHBS) səhər sessiyasının açılışında USD/AZM-in məzənnəsi 1 dollar üçün 4904 manata bərabər idi. Məzənnə göstəricisi dəyişməz qalmışdır, çünki səhər sessiyası çərçivəsində banklar arasında heç bir əqd qeydə alınmamışdır.

EHBS-in gündüz sessiyasında USD/AZM T+0 aləti üzrə 6 milyon 623 min dollara bərabər həcm qeydə alınmışdır. Gündüz sessiyasının orta hesablanmış məzənnəsi 1 dollar üçün 4904,51 manat olmuşdur.

Beləliklə, hər iki sessiyanın yekunlarına əsasən, USD/AZM T+0 aləti üzrə hərracların ümumi həcmi 6 milyon 623 min dollar təşkil etmişdir ki, bu da manat ekvivalenti ilə 32,482 milyarddır. Bir əqdə, orta hesabla, 192 333 dollar düşmüşdür.

USD/AZM T+1 və T+2 alətləri üzrə tələb olmadığından dilerlər əqd bağlamamışlar.

EHBS-də banklar AVR/AZM, RUR/AZM aləti üzrə sifariş verməmişlər.

EHBS sistemi çərçivəsində fəaliyyət göstərən banklararası kredit bazarında banklar, ümumən, 37,389 milyard manat məbləğində kredit cəlb etmək və yerləşdirmək üçün sifarişlər vermişlər.

Avqustun 19-da birjada banklar arasında kredit alətləri üzrə əqdlər bağlanmamışdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.