SİYASƏT
“BƏLƏDİYYƏLƏRİN İNKİŞAFINDA GƏNCLƏRİN İŞTİRAKI” MÖVZUSUNDA “DƏYİRMİ MASA” KEÇİRİLMİŞDİR
Yasamal bələdiyyəsində yerli özünüidarə orqanlarının gənclərlə iş üzrə fəaliyyətini təhlil etmək məqsədi ilə “dəyirmi masa” keçirilmişdir.
AZƏRTAC-ın müxbiri xəbər verir ki, “Bələdiyyələrin inkişafında gənclərin iştirakı” mövzusunda “dəyirmi masa”da Gənclər Təşkilatları Milli Şurasının sədri Fuad Muradov, Yasamal Bələdiyyəsi sədrinin müavini İlham Əmiraslanov, bələdiyyənin iqtisadi inkişaf daimi komissiyasının sədri Əli Əkbərli, Bələdiyyə Qulluqçuları Həmkarlar İttifaqının, Ədliyyə Nazirliyinin nümayəndələri və digərləri bələdiyyələrin fəaliyyətində problemlər, perspektivlər, qarşıdan gələn seçkilər, seçicilərlə əlaqə haqqında çıxışlar etmişlər. Bələdiyyələrin gələcək inkişafında gənclərin qüvvəsindən geniş iştifadə imkanları araşdırılmış, bu barədə fikir mübadiləsi aparılmışdır.