ELM VƏ TƏHSİL


BANM ilə Türkiyə universitetləri arasında əməkdaşlığa dair müzakirələr aparılıb

Bakı, 8 oktyabr, AZƏRTAC

Bakı Ali Neft Məktəbinin (BANM) rektoru Elmar Qasımov Türkiyənin Azərbaycandakı səfiri Cahit Bağçı ilə görüşüb.

BANM-dən AZƏRTAC-a bildiriblər ki, görüşdə E.Qasımov rəhbərlik etdiyi ali məktəbin uğurlarından danışıb. Bu il ölkə üzrə Prezident təqaüdünə layiq görülən 102 tələbədən 33-nün BANM-in tələbəsi olduğunu qeyd edən rektor bildirib ki, bu, çox yüksək göstəricidir.

Səfir Cahit Bağçı Bakı Ali Neft Məktəbi kimi nüfuzlu, beynəlxalq səviyyəli bir ali təhsil müəssisəsinin fəaliyyətini yüksək qiymətləndirib.

E.Qasımov vurğulayıb ki, qardaş ölkələr olan Azərbaycan və Türkiyə arasında bütün sahələrdə, o cümlədən təhsil sahəsində geniş əlaqələr mövcuddur. BANM-in rektoru Türkiyə universitetləri ilə qarşılıqlı əlaqələrin qurulmasında maraqlı olduğunu vurğulayıb.

Səfir Cahit Bağçı Bakı Ali Neft Məktəbi ilə Türkiyənin ali təhsil müəssisələrinin əməkdaşlığına dəstək verməyə hazır olduqlarını qeyd edib.

Görüşdə qarşılıqlı əməkdaşlıq, əlaqələrin yüksək səviyyədə inkişafı, Türkiyə universitetləri ilə BANM arasında birgə layihələr, ikili diplom və s. barədə müzakirələr aparılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.