“BARMEK” XƏBƏRDARLIQ EDİR

“Barmek” şirkəti elektrik enerjisi haqqını vaxtında ödəməyən abunəçilərə bir daha xəbərdarlıq etməyi qərara almışdır.

Şirkətdən AZƏRTAC-ın müxbirinə bildirmişlər ki, cari il fevralın 17-dən başlayaraq, borcu olan abunəçilərə son dəfə telefonla xəbərdar ediləcək, eyni zamanda onların mənzillərinə fərdi qaydada faktura hesabları təqdim olunacaqdır. Əgər 10 gün ərzində abunəçilər öz borclarını ödəməsələr, işıqsız qalmalı olacaqlar.

Abunəçilər üçün asan olsun deyə, 40-66-88 nömrəli əlaqə telefonu da təşkil edilmişdir. Onlar 24 saat ərzində, istənilən vaxt öz borclarının məbləğini öyrənə, yaxud borcun ödənilməsi barədə şirkətə məlumat verə bilərlər.