DÜNYA


B.BEREZOVSKİNİ TBİLİSİYƏ MANEƏSİZ BURAXANLAR İŞDƏN AZAD OLUNMUŞLAR

İnterpol xətti ilə beynəlxalq axtarışda olan B.Berezovski dekabrın 3-də saxta sənədlə Londondan Tbilisiyə gəlmiş və bu, Rusiyada narazılıq doğurmuşdur.

AZƏRTAC-ın müxbiri Tbilisidən xəbər verir ki, dekabrın 5-də Gürcüstanın Baş Prokurorluğu B.Berezovskini paytaxtın hava limanının nəzarət-buraxılış məntəqəsindən maneəsiz buraxan əməkdaşların xidməti səhlankarlığı faktı ilə əlaqədar cinayət işi qaldırmışdır. Gürcüstan Dövlət Departamentinin bu işdə bilavasitə iştirakı olan əməkdaşları, o cümlədən sərhəd idarəsinin araşdırma xidmətinin rəhbəri, habelə Tbilisi hava limanının nəzarət-buraxılış məntəqəsinin rəisi istefa vermişlər. Onların istefası qəbul olunmuşdur.

Bundan bir gün əvvəl isə Gürcüstan Dövlət Sərhədini Mühafizə Departamentinin sədri Valeri Çxeidze bu qurumun əməkdaşlarının səhlənkarlığı ilə əlaqədar istefa haqqında ərizə vermişdir. Lakin ölkə prezidentinin səlahiyyətlərini yerinə yetirən Nino Burcanadze ondan öz vəzifəsində qalmağı xahiş etmişdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.