ELM VƏ TƏHSİL


BDU: “44 günlük Zəfər salnaməsi” mövzusunda esse müsabiqəsi

Bakı, 16 oktyabr, AZƏRTAC

Bakı Dövlət Universiteti (BDU) tələbələr arasında 8 Noyabr - Zəfər Günü münasibətilə “44 günlük Zəfər salnaməsi” mövzusunda esse müsabiqəsi elan edir.

Bu barədə AZƏRTAC-a BDU-dan məlumat verilib.

Müsabiqəyə təqdim olunan esselər 2-4 səhifə həcmində, Azərbaycan, rus və ingilis dillərindən birində olmalıdır. Esselər, müəllifin tələbə biletinin fotosurəti ilə birlikdə noyabrın 3-dək BDU-nun İctimaiyyətlə əlaqələr və informasiya şöbəsinin elektron ünvanına ([email protected]) göndərilməlidir.

Müsabiqədə yalnız BDU-nun tələbə və magistrantları iştirak edə bilərlər. Təqdim olunan esselər Müsabiqə komissiyası tərəfindən qiymətləndiriləcək və qaliblərə diplom və pul mükafatı veriləcək. Qalib elan edilmiş esselər BDU-nun rəsmi saytı, sosial media hesabları və “Bakı Universiteti” qəzetində dərc olunacaq.

Əlavə məlumat üçün: (+994 50) 966 06 07, e-mail: [email protected]

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.