ELM VƏ TƏHSİL
BDU-da imtahan sessiyası uğurla davam edir
Bakı, 22 yanvar, AZƏRTAC
Bakı Dövlət Universitetində (BDU) bakalavriat və magistratura səviyyələrində 2020/2021-ci tədris ilinin payız semestrinin imtahan sessiyası uğurla davam edir.
BDU-dan AZƏRTAC-a bildirilib ki, yanvarın 21-də 348 qrup üzrə 7257 bakalavr (251 nəfəri "SABAH" qrupları olmaqla) imtahan verib. BDU-nun Qazax filialında 25 qrupda təhsil alan 558 tələbə imtahanlarda iştirak edib. Magistratura pilləsində isə 124 ixtisaslaşmada 67 fənn üzrə imtahan verən magistrantların sayı 328-dir. BDU-da imtahan sessiyasının mövcud qaydalara uyğun təşkili, tələbələrin biliyinin qiymətləndirilməsində şəffaflığın və obyektivliyin təmin olunması istiqamətində bütün tədbirlər görülüb. İmtahanlarda şəffaflığın təmin edilməsi məqsədilə prorektorlar, dekanlar, kafedra müdirləri və tələbə nəzarət qrupunun üzvləri tərəfindən imtahan prosesinə nəzarət olunur.
Qeyd edək ki, tələbələrin imtahanla bağlı şikayətini dinləmək və operativliyi təmin etmək məqsədilə “Qaynar xətt” və apelyasiya komissiyası da fəaliyyətini davam etdirir.