ELM VƏ TƏHSİL


BDU-da onlayn elmi seminar: Neft-kimyəvi və üzvi sintezdə nüvə-maqnit rezonansı metodunun rolu

Bakı, 13 iyul, AZƏRTAC

İyulun 13-də Bakı Dövlət Universitetində (BDU) Kimya fakültəsinin təşkilatçılığı ilə “Neft-kimyəvi və üzvi sintezdə NMR (nüvə-maqnit rezonansı) metodunun rolu” mövzusunda onlayn elmi seminar keçirilib.

BDU-dan AZƏRTAC-a bildirilib ki, virtual tədbirdə Elmi fəaliyyətin təşkili və innovasiyalar mərkəzinin direktoru Məmməd Rəcəbov belə seminarların elmi-tədqiqat işlərinin onlayn formada davam etməsinə töhfə verdiyini bildirib.

Sonra Kimya fakültəsinin Neft kimyası və kimya texnologiyası kafedrasının müdiri, professor İbrahim Məmmədov “Neft-kimyəvi və üzvi sintezdə NMR (nüvə-maqnit rezonansı) metodunun rolu” mövzusunda təqdimatla çıxış edib. Təqdimatda NMR üsulunun kəşfi tarixindən, NMR spektroskopiyasının molekulyar sistem haqqında məlumat almağa imkan verməsindən, müvafiq metodun tibdə, neft-kimya sənayesində tətbiqindən danışılıb.

Kimya fakültəsinin dekanı Abdulsəyid Əzizov doktorantlar və magistrantları bu cür seminarlarda fəal iştiraka səsləyib, fakültədə geniş elmi-tədqiqat işləri aparıldığını, bu işlərin nəticələrinin dünyanın bir çox nüfuzlu jurnallarında dərc edildiyini vurğulayıb.

Diskussiya formasında davam edən elmi seminar sualların cavablandırılması ilə yekunlaşıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.