ELM VƏ TƏHSİL


BDU-nun Tarix fakültəsində tədbir: Şuşanın tarixi abidələri və mədəni irsi

Bakı, 5 oktyabr, AZƏRTAC

Bakı Dövlət Universitetinin (BDU) Tarix fakültəsinin Tələbə Gənclər Təşkilatının təşkilatçılığı ilə “Şuşanın tarixi abidələri və mədəni irsi” mövzusunda tədbir keçirilib.

Bu barədə AZƏRTAC-a BDU-dan məlumat verilib. Tədbirdə fakültənin Azərbaycan tarixi (təbiət fakültələri üzrə) kafedrasının müəllimi Yunus Nəsirli tələbələrə Qarabağın tacı olan Şuşanın tarixi haqqında məlumat verib. O, Şuşanın nəinki Azərbaycanın, dünyanın da mədəniyyət incisi olduğunu vurğulayıb.

Bildirilib ki, 2020-ci il noyabrın 8-də Müzəffər Ali Baş Komandan İlham Əliyevin rəhbərliyi ilə şanlı Ordumuz tərəfindən azad edilən Şuşa xalqımız üçün müstəsna mənəvi dəyərə malikdir. Ermənistan silahlı birləşmələri tərəfindən işğal dövründə şəhərin tarixi abidələri amansızlıqla dağıdılsa da, düşmən bu şəhərin milli ruhunu məhv edə bilməyib. Şəhərin tarixi görkəminin bərpası, əvvəlki şöhrətinin özünə qaytarılması və mədəni həyatına qovuşması, eləcə də Azərbaycanın çoxəsrlik zəngin mədəniyyətinin, memarlıq və şəhərsalma sənətinin parlaq incisi kimi beynəlxalq aləmdə təbliği məqsədilə Prezident İlham Əliyevin 2021-ci il 7 may tarixli Sərəncamı ilə Şuşa şəhəri Azərbaycanın mədəniyyət paytaxtı elan edilib.

Tədbirdə hazırda Şuşada aparılan sürətli bərpa-quruculuq işləri ilə bağlı ətraflı məlumat verilib. Qeyd olunub ki, Prezident İlham Əliyevin xüsusi diqqət və qayğısı ilə əhatə olunan Şuşada icra edilən layihələr, yenidənqurma və abadlıq işləri şəhərin ümumi inkişaf konsepsiyasına uyğun həyata keçirilməklə yanaşı, Qarabağın incisi olan bu şəhərin tezliklə əvvəlki şöhrətinə qayıdacağına əminlik yaradır. Şuşanın tarixi abidələrinin bərpası istiqamətində Heydər Əliyev Fondunun rolu əvəzsizdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.