BİLƏCƏRİ QƏSƏBƏSİNDƏ 20 YANVAR ABİDƏ KOMPLEKSİNİN AÇILIŞ MƏRASİMİ OLMUŞDUR

19.01.2007 [18:27]

 AZƏRTAC xəbər verir ki, yanvarın 19-da Binəqədi rayonunun Biləcəri qəsəbəsindəki 20 Yanvar abidə kompleksinin əsaslı təmirdən sonra açılış mərasimi keçirilmişdir.

Rayon rəhbərliyinin, Milli Məclisin deputatı Madər Musayevin və ictimaiyyətin nümayəndələrinin iştirak etdiyi  mərasimdə şəhidlərin əziz xatirəsi bir dəqiqəlik sükutla yad edildi.

                20 Yanvar Cəmiyyəti Binəqədi rayon şöbəsinin sədri Ağarza Xankişiyev qanlı faciənin səbəblərindən, xalqımızın düçar edildiyi həmin dəhşətli hadisəni törədən keçmiş imperiya rəhbərlərinin məkrli niyyətlərindən danışdı. Eyni zamanda bildirdi ki, bütün ağrı-acısına baxmayaraq, 20 Yanvar həm də Azərbaycan xalqının qəhrəmanlıq tarixinin parlaq səhifəsidir. O xatırlatdı ki, bu dəhşətli qırğına siyasi və hüquqi qiyməti ilk dəfə məhz ümummilli liderimiz Heydər Əliyev vermişdir. İndi ümummilli liderimizin layiqli davamçısı Prezident İlham Əliyevin rəhbərliyi altında Azərbaycan ulu öndərin müəyyən etdiyi inkişaf yolu ilə inamla irəliləyir.

        Sonra rayonun məktəbliləri 20 Yanvar şəhidlərinin xatirəsinə həsr olunmuş ədəbi-bədii kompozisiya göstərdilər, şeirlər söylədilər, mahnılar ifa etdilər.

AZERTAG.AZ :BİLƏCƏRİ QƏSƏBƏSİNDƏ 20 YANVAR ABİDƏ KOMPLEKSİNİN AÇILIŞ MƏRASİMİ OLMUŞDUR
© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.