DÜNYA


BMT: Hazırda dünya əhalisinin 16 faizi 15-24 yaş həddində olan gənclərdir

Bakı, 20 fevral, AZƏRTAC 

Birləşmiş Millətlər Təşkilatının İqtisadi və Sosial Məsələlər Departamenti (UN DESA) “Gənclər və 2030-cu ilədək dayanıqlı inkişaf proqramı” hesabatını hazırlayıb.

AZƏRTAC BMT-nin saytına istinadla xəbər verir ki, hesabatda təşkilatın 2030-cu ilədək dayanıqlı inkişaf hədəflərinə çatmaqda gənclərin roluna dair Əddis-Əbəbə konfransının və Gənclərin Fəaliyyəti üzrə Dünya Proqramının müddəalarının yerinə yetirilməsi məsələləri əks olunub.

Hesabatda təşkilata üzv dövlətlərdə və vətəndaş cəmiyyətlərində, o cümlədən gənclər təşkilatlarında qarşıdakı 3 il müddətində gənclərin siyasi, iqtisadi və sosial həyatda daha fəal iştirakı ilə bağlı vəzifələr açıqlanıb. Qeyd olunub ki, hazırda dünya əhalisinin 1,2 milyard nəfəri, yaxud 16 faizi 15-24 yaş həddində olan gənclərdir. Onlar iqlim dəyişiklikləri, işsizlik, yoxsulluq, gender bərabərsizliyi, münaqişələr və miqrasiya kimi qlobal problemlərin həllində daha fəal rol oynamalıdırlar. Bütün bunları təmin etmək üçün üzv dövlətlər gənclərin təhsili və işlə təmin olunması ilə bağlı məsələlərin həllinə diqqəti artırmalıdır.

Altı fəsildən ibarət olan hesabat gənclərin müxtəlif sahələrdə qarşılaşdıqları problemlər və onların həlli yollarını əks etdirir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.