DÜNYA


BMT KXDR nümayəndə heyətinin Vyetnama səfərinə razılıq verib

Bakı, 21 fevral, AZƏRTAC

BMT Təhlükəsizlik Şurası Kim Çen Inın rəhbərliyi ilə Koreya Xalq Demokratik Respublikası nümayəndə heyətinin Vyetnama səfərinə razılıq verib.

AZƏRTAC xəbər verir ki, BMT Təhlükəsizlik Şurası Vyetnam tərəfinin Şimali Koreya nümayəndə heyətinin səfərinin baş tutması üçün KXDR-in bəzi yüksək vəzifəli şəxslərinə xaricə səfərlərlə bağlı tətbiq olunan sanksiyalara istisnaların verilməsi müraciətinə müsbət cavab verib. Şuranın üzvü olan 15 ölkənin heç biri Vyetnamın istəyinə qarşı çıxmayıb. Beləliklə, fevralın 27-28-də Hanoyda ABŞ və KXDR liderinin növbəti görüşü üçün ən böyük əngəl aradan qaldırılıb.

Qeyd edək ki, BMT Təhlükəsizlik Şurası ötən ilin iyununda birinci ABŞ-KXDR liderlərinin görüşündə iştirak etmək üçün Şimali Koreya rəsmilərinin Sinqapura səfərinə razılıq vermişdi.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.