DÜNYA


BMT Təhlükəsizlik Şurası İraq hökumət orqanlarını və kürdləri dialoqa çağırıb

Bakı, 19 oktyabr, AZƏRTAC

BMT Təhlükəsizlik Şurası (TŞ) İraqın Kərkük vilayətində yaranan vəziyyətlə bağlı narahatlığını bildirib.

AZƏRTAC TASS Agentliyinə istinadla xəbər verir ki, BMT TŞ mətbuata verdiyi bəyanatda tərəfləri fikir ayrılığını Konstitusiya yolu ilə həll etməyə çağırıb. Təhlükəsizlik Şurası İŞİD-ə qarşı mübarizədə səylərin davam etdirilməsinin vacibliyini bildirib, İraqda tərəflər arasında dialoqun qurulması üzrə BMT-nin səylərini dəstəkləyib.

Xatırladaq ki, bazar ertəsi İraqın Baş naziri, eyni zamanda İraq ordusunun ali baş komandanı Heydər əl-Abadi hərbçilərə Kərkük vilayətində təhlükəsizliyi və sabitliyi bərpa etmək tapşırığı vermişdi. Hazırda hökumət qüvvələri Kərkük şəhərinə (eyni adlı vilayətin inzibati mərkəzi) nəzarəti bərpa edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.