DÜNYA


BMT Təhlükəsizlik Şurası Liviya ilə bağlı qətnamə qəbul edib

Bakı, 13 fevral, AZƏRTAC 

BMT Təhlükəsizlik Şurasının üzvləri Liviyada sülhün və sabitliyin bərpa olunması haqqında qətnamə qəbul ediblər. AZƏRTAC təşkilatın saytına istinadla xəbər verir ki, Böyük Britaniyanın təqdim etdiyi qətnamə layihəsinin lehinə 15 üzv dövlətdən (5 daimi və 10 qeyri-daimi üzv) 14-ü səs verib. Rusiya bitərəf qalıb.

Qətnamə layihəsi ilə bağlı gərgin diskussiyalar aparılıb. Liviyada silahlı münaqişə tərəflərinin dəstəklənməsi məsələsində ikitirəlik yaranıb. Halbuki, bundan əvvəl dünya liderləri Berlində keçirilən toplantıda bu ölkənin daxili işlərinə müdaxilə etməmək və tərəflərə silah satmamaq barədə öhdəlik götürüblər.

Xatırladaq ki, 2019-cu ilin aprelindən BMT tərəfindən tanınan Milli Razılıq Hökuməti ilə general Xəlifə Həftarın başçılıq etdiyi Liviya Milli Ordusu arasında münaqişə davam edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.