DÜNYA


BMT Təhlükəsizlik Şurası Rusiyanın Suriya ilə bağlı qətnaməsini qəbul etmədi

Bakı, 14 aprel, AZƏRTAC

Rusiyanın Suriyaya təcavüzü dayandırmağa çağıran qətnaməsi BMT Təhlükəsizlik Şurası tərəfindən qəbul edilməyib.

AZƏRTAC TASS informasiya agentliyinə istinadla xəbər verir ki, qətnamə səs çoxluğu qazanmayıb. Sənəd ABŞ, Böyük Britaniya və Fransanın Suriyaya raket hücumundan sonra Rusiyanın tələbi ilə çağırılan iclasın gedişində səsə qoyulub. Qətnamənin lehinə Rusiya, Çin və Boliviya səs verib. Səkkiz ölkə sənədə qarşı çıxıb, daha dörd nümayəndə heyəti bitərəf qalıb.

Xatırladaq ki, bu gün səhərə yaxın ABŞ, Böyük Britaniya və Fransa Suriyadakı kimyəvi silah obyektlərinə raket zərbələri endirib. ABŞ-ın müdafiə naziri Cim Mattis, Baş Qərargah rəisi Cozef Dunford əməliyyatla bağlı keçirdikləri mətbuat konfransında İran və ya Rusiya ilə hər hansı koordinasiya aparmadıqlarını bildiriblər. Hücumların davam edib-etməyəcəyinə dair suala Dunford “bu hücum dalğası sona yetdi” cavabını verib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.