BMT məişət zorakılığının qarşısının alınması ilə bağlı milli fəaliyyət planının təsdiqini alqışlayır

Bakı, 2 dekabr, AZƏRTAC

BMT-nin Azərbaycandakı nümayəndəliyi Azərbaycan Respublikasının Prezidenti İlham Əliyevin “Azərbaycan Respublikasında məişət zorakılığı ilə mübarizəyə dair 2020–2023-cü illər üçün Milli Fəaliyyət Planı”nın təsdiq etməsini alqışlayır və qarşıdakı dövrdə fəaliyyət planının icrasının ölkədə məişət zorakılığı ilə mübarizə sahəsində əhəmiyyətli irəliləyişə səbəb olacağından əminliyini bildirir. BMT-nin Azərbaycandakı nümayəndəliyindən AZƏRTAC-a bildirilib ki, qurum bu istiqamətdə həyata keçiriləcək fəaliyyəti dəstəkləyəcək.

Nümayəndəlik fəaliyyət planının icrasının gender-əsaslı zorakılıq və məişət zorakılığı ilə mübarizə sahəsində qurulacaq qurumlararası əməkdaşlıq və əlaqələndirmə vasitəsilə vahid milli yönləndirmə mexanizminin təşəkkül tapması üçün möhkəm zəmin yaradacağına ümid etdiyini bəyan edib.