DÜNYA


BMT-nin Liviya üzrə xüsusi nümayəndəsi vəzifəsinə təyinat olub

Bratislava, 16 yanvar, AZƏRTAC

Təxminən birillik vakansiyadan sonra BMT-nin Liviya üzrə xüsusi nümayəndəsi vəzifəsinə təyinat olub.

AZƏRTAC xəbər verir ki, BMT-nin Baş katibi Antonio Quterreşin təklifi əsasında BMT-nin Təhlükəsizlik Şurası 68 yaşlı təcrübəli slovak diplomat Yan Kubişi bu vəzifəyə təsdiqləyib. Bundan öncə isə Y.Kubiş BMT-nin Livan üzrə xüsusi koordinatoru vəzifəsini tutub (2019-cu ilin yanvarından etibarən).

Diplomatik dairələrdə Y.Kubiş zəngin təcrübəsi ilə tanınır. O, 2011-2015-ci ildə BMT-nin Əfqanıstanda, 2015-2018-ci ildə İraqdakı missiyasına rəhbərlik edib. Bundan başqa isə Yan Kubiş ölkəsinin xarici işlər naziri (2006-2009) və ATƏT-in Baş katibi (1999-2005) vəzifələrində çalışıb.

Elgün Niftəli

AZƏRTAC-ın xüsusi müxbiri

Bratislava 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.