DÜNYA


BMT-nin baş katibi Konqoda Dünya Ərzaq Proqramı missiyası üzvlərinin qətlə yetirilməsini pisləyib

Qahirə, 23 fevral, AZƏRTAC

BMT-nin baş katibi Antonio Quterreş Konqo Demokratik Respublikasının Şimali Kivu vilayətində Dünya Ərzaq Proqramı missiyasının üzvlərinə qarşı silahlı hücumu pisləyən bəyanat yayıb.

AZƏRTAC xəbər verir ki, baş katib həlak olanların ailələrinə və İtaliya hökumətinə başsağlığı verib, Dünya Ərzaq Proqramının əməkdaşları ilə həmrəyliyini ifadə edib. O, Konqo hökumətinə müraciətində cinayətkarların tezliklə müəyyənləşdirilərək ədalət məhkəməsinə təslim ediləcəyinə ümidvar olduğunu bildirib. A.Quterreş, eyni zamanda, regionda sülhün və sabitliyin bərqərar olması istiqamətində BMT-nin dəstəyinin davam edəcəyini vurğulayıb.

Xatırladaq ki, fevralın 22-də naməlum silahlı qruplaşma üzvlərinin BMT-nin Dünya Ərzaq Proqramının bu ölkədəki missiyasına qarşı silahlı hücumu nəticəsində 3 nəfər, o cümlədən İtaliyanın Konqodakı səfiri və onun cangüdəni qətlə yetirilib.

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.