Təhsil Nazirliyindən AZƏRTAC-a bildirmişlər ki, Vyanada Bolonya prosesinə yeni qoşulmuş Azərbaycan, Gürcüstan, Rusiya Federasiyası, Moldova, Ukrayna üçün konsultativ iclas keçirilmişdir.

Avropa Şurası və Avstriya Təhsil Nazirliyi tərəfindən təşkil olunmuş iclasda Təhsil Nazirliyinin nümayəndələri Bolonya prosesi şərtlərinin həyata keçirilməsi ilə bağlı görülən işlər barədə məlumat vermişlər.

Apreldə Bolonya prosesinin işçi qrupu adı çəkilən ölkələrə Avropa Şurası tərəfindən göstəriləcək konsultativ və texniki yardımı da müəyyənləşdirəcəkdir.