RƏSMİ SƏNƏDLƏR
BÖYÜK BRİTANİYA VƏ ŞİMALİ İRLANDİYA BİRLƏŞMİŞ KRALLIĞININ BAŞ NAZİRİ ZATİ-ALİLƏRİ CƏNAB TONİ BLEYERƏ
Hörmətli cənab Baş nazir,
Böyük Britaniya və Şimali İrlandiya Birləşmiş Krallığının milli bayramı – Kraliçanın təvəllüd günü münasibətilə Sizi və xalqınızı ürəkdən təbrik edirəm.
Ölkələrimiz arasında münasibətlərin hərtərəfli və ardıcıl inkişafından məmnunluq duyuram. Əminəm ki, dövlətlərarası əlaqələrimiz bundan sonra da qarşılıqlı surətdə faydalı əməkdaşlığımız üçün yeni-yeni imkanlar açacaqdır.
Sizə möhkəm cansağlığı, işlərinizdə uğurlar, dost ölkənizə sülh və firavanlıq arzulayıram.
Hörmətlə,
Heydər Əliyev
Azərbaycan Respublikasının Prezidenti
Bakı şəhəri, 11 iyun 2003-cü il