DÜNYA


BRAZİLİYA POLİSİ 4,3 TON MARİXUANA MÜSADİRƏ ETMİŞDİR

AZƏRTAC xəbər verir ki, Frans Press agentliyinin yaydığı məlumata görə, Braziliyada polis 4,3 ton marixuana müsadirə etmişdir. Braziliya DİN-dən bildirmişlər ki, cari ildə ölkənin hüquq mühafizə orqanları ilk dəfədir bu qədər narkotik maddə tutmuşdur.

Marixuana paytaxtın sənaye zonalarından birində dayanmış yük maşınında gizlədilmişdi. Polislər onun təsadüfən, digər cinayətin üstünü açmaq üçün əməliyyat apararkən tapmışlar.

Qeyd etmək lazımdır ki, marixuana dünyada ən çox yayılmış narkotik maddədir (ildə 150 milyon adam ondan istifadə edir). Avropa Birliyinin məlumatına görə, hər il təkcə Əfqanıstan ərazisində 4 min tona yaxın cürbəcür narkotik maddələr istehsal olunur. Bunların əksər hissəsi Avropa ölkələri üçün nəzərdə tutulmuşdur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.