REGİONLAR


Babək rayon sahibkarları əsgərlərə sovqat aparıb

Babək, 30 oktyabr, AZƏRTAC

Muxtar respublikada xalq-ordu birliyinə nümunə olaraq Babək rayonu Şəkərabad kəndinin sakinləri və sahibkarları tərəfindən rayon ərazisindəki hərbi hissəyə sovqat aparılıb.

AZƏRTAC-ın Naxçıvan bürosu xəbər verir ki, əsgərlərlə görüşdə xalqımızın ordumuza daim dəstək göstərərək onların yanında olduğu bildirilib.

Vurğulanıb ki, hazırda Qarabağ uğrunda apardığımız Vətən müharibəsində ordumuz tərəfindən uğurlu əks-hücum əməliyyatları davam etdirilir. Hər gün yeni yaşayış məntəqələri və yüksəkliklər igid əsgərlərimiz tərəfindən azad olunur.

Sonra gətirilən 125 kiloqram ət, 570 kiloqram kartof, 300 kiloqram soğan və digər ərzaq məhsulları hərbi hissəyə təhvil verilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.