İDMAN


Badminton üzrə “Level 1” kurslarına qatılan məşqçilərə iştirakçı sertifikatları təqdim olunub

Bakı, 29 dekabr, AZƏRTAC

Milli Olimpiya Komitəsinin (MOK) inzibati binasında badminton üzrə “Coaching Education Level 1” məşqçilik kurslarına qatılan məşqçilərə iştirakçı sertifikatları təqdim olunub.

AZƏRTAC xəbər verir ki, tədbirdə çıxış edən MOK-un marketinq şöbəsinin müdiri Mehman Kərimov, qurumun idman şöbəsinin rəhbəri Həsənağa Rzayev və Azərbaycan Badminton Federasiyasının baş katibi Nəsimi Musayev “Level 1” kurslarının ölkəmizdə keçirilməsinin məşqçilərimizin badminton biliklərinin təkmilləşdirilməsinin və gələcək üçün badmintonçularımızın hazırlanmasında böyük rol oynadığını bildirib.

Bu cür kursların böyük əhəmiyyətə malik olduğunu bildirən kursun moderatoru, Beynəlxalq Badminton Federasiyasının eksperti Murtuza Validarvi təlimlərə 11 kişi məşqçi ilə yanaşı, 7 qadın iştirakçının qatılmasının müsbət məqam olduğunu qeyd edib.

Sonda MOK və Azərbaycan Badminton Federasiyası rəsmiləri iştirakçılarla birgə xatirə şəkli çəkdiriblər.

Qeyd edək ki, Beynəlxalq Olimpiya Komitəsinin Olimpiya Həmrəyliyi Fondunun və Beynəlxalq Badminton Federasiyasının dəstəyi, MOK, Azərbaycan Badminton Federasiyasının təşkilatçılığı ilə keçirilən kurslarda Bakı ilə yanaşı, Gəncə, Lənkəran və Qubanı təmsil edən məşqçilər iştirak ediblər. İştirakçılar dekabrın 24-28-də keçirilən kurs müddətində nəzəri və texniki biliklərə yiyələniblər. Kursları uğurla başa vuran məşqçilərə isə Beynəlxalq Badminton Federasiyasının “Level 1” məşqçi sertifikatları təqdim olunacaq.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.