DÜNYA


Bağdadda nümayişçilərə hücum nəticəsində ölənlərin sayı 50 nəfərə çatıb

Bakı, 7 dekabr, AZƏRTAC

Cümə günü axşam saatlarında Bağdadda silahlı şəxslərin nümayişçilərə hücumu nəticəsində həlak olanların sayı 50 nəfərə çatıb.

AZƏRTAC xəbər verir ki, bu barədə Al Arabiya telekanalı yerli hakimiyyət orqanlarına istinadla məlumat yayıb. Bundan əvvəl 25 nəfər həlak olduğu, 130 nəfərdən çox insanın yaralandığı bildirilirdi.

Telekanalın məlumatına görə, bir qrup silahlı şəxs maşınlarda Əl-Xilyani meydanına gələrək, oradakı nümayişçilərə atəş açmağa başlayıb. Atəş bir neçə saat davam edib. Bu təxribatın arxasında kimin dayandığı indiyədək müəyyənləşməyib. Lakin aydın olub ki, dəfələrlə etirazçılara qarşı silah işlətməkdə ittiham olunan güc strukturlarının hücumda əli yoxdur.

Xatırladaq ki, İraqda oktyabrın 1-dən ağır sosial-iqtisadi həyat şəraitinə qarşı başlayan etiraz aksiyaları davam edir. Bu müddətdə azı 460 nəfər həlak olub, minlərlə insan isə yaralanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.