DÜNYA


Bahalıqla əlaqədar Tehranda 180 restoran fəaliyyətini dayandırıb

Tehran, 17 fevral, AZƏRTAC

Ətin və digər ərzaq mallarının bahalaşması ilə əlaqədar son bir neçə ay ərzində Tehranda 180 restoran bağlanıb.

AZƏRTAC “Tasnim” xəbər agentliyinə istinadla xəbər verir ki, ölkədə inflyasiya və qiymətlərin hər ay yüksəlməsi restoranlara gedənlərin sayının kəskin azalmasına səbəb olub.

İran Restoranlar Birliyinin sədri Əli Əsgər Mirrəhimi bildirib ki, yağın, toyuq və mal ətinin, tomat pastasının, dənli və paxlalı bitkilərin qiymətlərinin artması restoran biznesi ilə məşğul olanların işini çətinləşdirib. Ərzaq mallarının topdansatış qiymətlərinin bahalaşması restoranlarda da qiymət artımına səbəb olub ki, nəticədə müştərilərin sayı xeyli azalıb. Tehranda lisenziya ilə fəaliyyət göstərən 700 restorandan 180-i fəaliyyətini dayandırıb. Həmin restoranların sahibləri lisenziyalarının ləğv olunması üçün müvafiq strukturlara müraciət ediblər.

Qeyd edək ki, son günlər İranda mal ətinin bir kiloqramının qiyməti 1 milyon rialı (23,8 dollar) ötüb.

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.