“Bakcell” şirkəti “ALOV” yeni brend smartfonunu təqdim edib

Bakı, 20 sentyabr (AZƏRTAC). Azərbaycanın mobil operatoru “Bakcell” şirkəti Azərbaycan bazarında “ALOV” yeni brend smartfonunu təqdim edib. Gözoxşayan dizayn və xüsusi funksiyaları ilə seçilən, smartfon “Android” əməliyyat sistemindədir.

AZƏRTAC xəbər verir ki, şirkətin baş icraçı direktoru Riçard Şirer ötən il “Bakcell” ilk dəfə özünün brend smartfonunu yerli bazara çıxarıb. Cihaz Bakı və regionlarda populyarlıq qazanıb və 2013- 2014-cü illərdə ən çox satılan smartfonlardan biri olub. Qeyd edilib ki, “ALOV” yeni nəsil smartfon istifadəçilərinin bütün tələblərinə cavab verir. Bu cihazda 3G interneti, çoxfunksiyalı kamera, yüksək ötürücülük tələb edən oyunlar üçün keyfiyyətli prosessor, ofis əlavələri, böyük ölçülü ekran var. Yeni smartfonun qiyməti 129 manat təşkil edir.

ALOV smartfonu barədə əlavə məlumat http://www.bakcell.com/az/alov-smartfon linkində yerləşdirilib.