ELM VƏ TƏHSİL


Bakı Ali Neft Məktəbində III Avrasiya konfransı keçiriləcək

Bakı, 10 oktyabr, AZƏRTAC

Oktyabrın 18-dən 20-dək Bakı Ali Neft Məktəbində (BANM) Enerji İqtisadiyyatı üzrə Beynəlxalq Assosiasiyanın (IAEE) təşkilatçılığı ilə “Xəzər və Mərkəzi Asiya regionunun enerji sənayesində qlobal inkişafın nəticələri” mövzusunda III Avrasiya konfransı keçiriləcək. Konfrans BANM-in təşkilatı dəstəyilə reallaşdırılacaq.

Ali Neft Məktəbindən AZƏRTAC-a bildirilib ki, konfransda Avrasiya məkanında enerji təhlükəsizliyinə qlobal çağırışlar, o cümlədən tələb və təklif problemi, enerji bazarları və tənzimləmə, elektrik enerjisi təchizatının dayanıqlığı, Avrasiyada enerji səmərəliliyi, ənənəvi enerji, alternativ enerji və istilik təchizatı, təbii qazdan istifadə, innovasiyalar və sənayenin inkişafı mövzularına toxunulacaq.

Konfransda nüfuzlu beynəlxalq təşkilat və şirkətlərlə yanaşı, Azərbaycan Respublikası İqtisadiyyat Nazirliyinin, Azərbaycan Respublikası Energetika Nazirliyinin, SOCAR-ın, Bakı Ali Neft Məktəbinin, BP-nin, “Cənub Qaz Dəhlizi“ QSC-nin və digər müəssisə və şirkətlərin rəhbərlərinin iştirakı nəzərdə tutulur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.