ELM VƏ TƏHSİL


Bakı Dövlət Universiteti tələbələrinin yazıçı Elxan Elatlı ilə görüşü keçirilib

Bakı, 30 noyabr, AZƏRTAC

Bakı Dövlət Universitetinin (BDU) Mexanika-riyaziyyat fakültəsi və Tələbə Həmkarlar İttifaqı Komitəsinin (THİK) təşkilatçılığı ilə yazıçı Elxan Elatlı ilə tələbələrin onlayn görüşü keçirilib.

BDU-dan AZƏRTAC-a bildirilib ki, tədbirdə universitetin THİK sədri Hacıbaba Mustafayev yazıçı Elxan Elatlınının həyat və yaradıcılığı haqqında məlumat verib. O, yazıçının əsərləri və müasir Azərbaycan ədəbiyyatında detektiv janrında yazılmış nümunələrdən bəhs edərək belə görüşlərin keçirilməsinin əhəmiyyətinə diqqət çəkib.

Sonra çıxış edən yazıçı Elxan Elatlı ali məktəbdə təhsil aldığı müddətdə qazandığı uğurlardan bəhs edib. O, xatirələrini bölüşərək tələbələrə tövsiyələrini verib, onları bədii ədəbiyyat oxumağa dəvət edib. Yazıçı bir sıra əsərlərində tələbəlik illərindəki həyatını qələmə aldığını da bildirib.

“Zoom” platforması üzərindən təşkil edilən görüşdə BDU-nun Mexanika-riyaziyyat, Jurnalistika, Biologiya, Filologiya, Kimya və Şərqşünaslıq fakültələrinin tələbələri iştirak ediblər. Görüş tələbələrin suallarının cavablandırılması və yazıçının əsərlərinin müzakirəsi ilə başa çatıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.