ELM VƏ TƏHSİL


Bakı Dövlət Universitetinin tələbələri XIX “Bakı yapon dili natiqlik” müsabiqəsinin qalibi olublar

Bakı, 30 noyabr, AZƏRTAC

Bakı Dövlət Universitetinin (BDU) Şərqşünaslıq fakültəsinin tələbələri Yaponiyanın Azərbaycandakı səfirliyinin təşkilatçılığı ilə keçirilən XIX “Bakı yapon dili natiqlik” müsabiqəsinin qalibi olublar.

BDU-dan AZƏRTAC-a bildirilib ki, hər il ənənəvi olaraq Yaponiya səfirliyi və Azərbaycanda fəaliyyət göstərən yapon şirkətlərinin dəstəyi ilə keçirilən müsabiqə bu il onlayn formada təşkil olunub. Ölkənin müxtəlif ali təhsil müəssisələrindən olan tələbələr yapon dili üzrə bacarıqlarını nümayiş etdiriblər.

Müsabiqədə Şərqşünaslıq fakültəsinin “Regionşünaslıq” (Yaponiya üzrə) ixtisasının dördüncü kurs tələbəsi Fənarə Əliyeva birinci, üçüncü kurs tələbələri Fatimə Dadaşova beşinci yerə, Nəzrin Cuvarlinskaya isə münsiflərin həvəsləndirici mükafatına layiq görülüb. Müsabiqə iştirakçıları müəyyən beynəlxalq problemlə bağlı esse yazaraq onları səlis tərcümə edib, şifahi danışıblar.

Qeyd edək ki, yapon dili üzrə natiqlik müsabiqəsinin əsas məqsədi tələbələrə bilik və bacarıqlarının nümayiş etdirilməsi üçün şərait yaratmaq, onlarda bu dilə olan marağı artırmaqdan ibarətdir. Müsabiqənin şərtlərinə əsasən, birinci yerin qalibi Moskvada keçirilək “2021-ci il Avrasiya tələbələri Yapon dili” beynəlxalq yarışmasında ölkəmizi təmsil edəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.