İQTİSADİYYAT


Bakı Limanı Yapon məhsullarının Avropaya ixrac olunmasında çox vacib məntəqələrdən biridir

Bakı, 17 yanvar, Elvin Camalov, AZƏRTAC

Bakı Limanı Yapon məhsullarının Avropaya ixrac olunmasında çox vacib məntəqələrdən biridir.

“Bakı Beynəlxalq Dəniz Ticarət Limanı” QSC-nin mətbuat xidmətindən AZƏRTAC-a məlumat verilib ki, bu sözləri yanvarın 17-də Yaponiyanın kənd təsərrüfatı, meşəçilik və balıqçılıq nazirliyinin, qida sənayesi işləri üzrə büronun və ixracın təşviq şöbəsinin xüsusi işlər üzrə məsləhətçisi Tsunemasa Teramoto Ələt qəsəbəsində yerləşən yeni Bakı Limanına səfəri zamanı deyib.

“Bakı Beynəlxalq Dəniz Ticarət Limanı” QSC-nin baş direktorunun baş müşaviri Rəşad Kərimov qonağa Bakı Limanının xarici ölkələrlə ticarət əlaqələri və daşınan yüklərin dövriyyəsi barədə məlumat verib. Liman ərazisi ilə əyani tanış olan qonaqlara limanın inkişaf konsepsiyası haqqında məlumat verilərək bildirib ki, limanın birinci fazasının tikinti işləri bitdikdən sonra yük qəbuletmə qabiliyyəti ildə 15 milyon ton olacaq.

Qida və sənaye məhsullarının ixracı ilə məşğul olan qonaq bildirib ki, Bakı Limanı Yapon məhsullarının Avropaya ixrac olunmasında çox vacib məntəqələrdən biridir və Şərqlə Qərb arasında ticarət əlaqələri üçün Bakı Limanı ilə əməkdaşlıq çox önəmlidir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.