ELM VƏ TƏHSİL


Bakı Mühəndislik Universitetinin komandası intellektual yarışda birinci olub

Bakı, 26 may, AZƏRTAC

“SABAH” qrupları və “Veysəloğlu” Şirkətlər Qrupunun birgə təşkilatçılığı, Təhsil Nazirliyinin tərəfdaşlığı ilə Azərbaycan Xalq Cümhuriyyətinin 100 illik yubileyinə həsr olunmuş universitetlərarası “Nə? Harada? Nə zaman?” intellektual yarışı keçirilib.

Təhsil Nazirliyindən AZƏRTAC-a bildiriblər ki, yarışa 10 ali təhsil müəssisəsindən 20 komanda olmaqla ümumilikdə 120 tələbə qatılıb. İntellektual yarışda birinciliyi Bakı Mühəndislik Universitetini təmsil edən “Promotey” komandası qazanıb.

İkinci yeri Azərbaycan Dillər Universitetinin “Fenomen” komandası, üçüncü yeri isə Azərbaycan Dövlət Neft və Sənaye Universitetinin “Fətəlity” komandası tutub.

Qaliblərə sertifikatlar, medallar və kubok təqdim edilib, həmçinin “Teas Press” nəşriyyat evindən bestseller kitablar hədiyyə olunub.

“Veysəloğlu” Şirkətlər Qrupu tərəfindən qalib komandalara pul mükafatı verilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.