İDMAN


Bakı Olimpiya Stadionu İtaliyanın dövlət bayrağının rəngləri ilə işıqlandırılıb

Bakı, 12 iyul, AZƏRTAC

Futbol üzrə 16-cı Avropa çempionatının finalında İngiltərə yığmasını məğlub edərək qitə çempionu adını qazanan İtaliya millisinin şərəfinə Bakı Olimpiya Stadionu bu ölkənin dövlət bayrağının rəngləri ilə işıqlandırılıb.

Bu barədə AZƏRTAC-a Bakı Olimpiya Stadionundan məlumat verilib.

Xatırladaq ki, futbol üzrə Avropa çempionatının 60 illik yubileyi münasibətilə Avropa çempionatı 11 şəhərdə, o cümlədən Bakıda təşkil olunub. Bakı Olimpiya Stadionu “Avro-2020”nin A qrupunun üç görüşünə və dörddəbir final mərhələsinin bir oyununa ev sahibliyi edib. İyunun 12-də Uels-İsveçrə (1:1), 16-da Türkiyə-Uels (0:2), 20-də İsveçrə-Türkiyə (3:1) qarşılaşmaları Bakıda oynanılıb. Çempionatın dörddəbir final mərhələsi çərçivəsində iyulun 3-də Bakıda Uels - Danimarka (0:4) görüşü keçirilib.

Qeyd edək ki, Bakı Olimpiya Stadionunda baş tutan ilk futbol matçı məhz Azərbaycan-İtaliya oyunu olub. 2015-ci il oktyabrın 15-də oynanılan həmin görüşü 48 minə yaxın azarkeş izləyib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.