REGİONLAR


Bakı-Qazax magistralında qəza baş verib VİDEO

Kürdəmir, 23 oktyabr, AZƏRTAC 

Oktyabrın 23-də gecə saat 4 radələrində Bakı-Qazax magistralının Kürdəmirin Karrar kəndindən keçən hissəsində yol qəzası baş verib.

AZƏRTAC-ın bölgə müxbiri xəbər verir ki, “Mercedes” markalı iritutumlu yük maşını Qazax istiqamətində hərəkətdə olarkən qarşıdan gələn “KamAZ” markalı yük maşınına çırpılıb. Nəticədə mişar daşı ilə dolu olan “KamAZ” yoldan çıxaraq aşıb və daşlar ətrafa səpələnib. Hadisə zamanı hər iki sürücü - Goranboy rayon sakini, 1977-ci il təvəllüdlü Sadıqov Elnur Fizuli oğlu və Bakı şəhəri Qala qəsəbəsinin sakini, 1981-ci il təvəllüdlü Əliyev Təhmasib Məhəmmədəli oğlu müxtəlif bədən xəsarətləri ilə Kürdəmir Rayon Mərkəzi Xəstəxanasının Travmatologiya şöbəsinə yerləşdirilib. Hər iki xəstəyə ilkin tibbi yardım göstərilib.

Qeyd edək ki, mişar daşlarının yola dağılması nəticəsində avtomobillərin gediş-gəlişində də çətinliklər yaranıb.

Faktla bağlı araşdırma aparılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.