CƏMİYYƏT


Bakı Şəhər Gənclər və İdman Baş İdarəsinin təşkil etdiyi bayram şənliyinə 600-dən çox uşaq qatılıb

Bakı, 3 yanvar, AZƏRTAC

Bakı Şəhər Gənclər və İdman Baş İdarəsi (BŞGİBİ) Dünya Azərbaycanlılarının Həmrəylik Günü və Yeni il bayramları ərəfəsində Rəşid Behbudov adına Mahnı Teatrında aztəminatlı ailələrin azyaşlı övladları, eləcə də xüsusi qayğıya ehtiyacı olan uşaqlar üçün ənənəvi Yeni il şənliyi təşkil edib.

BŞGİBİ-dən AZƏRTAC-a bildiriblər ki, tədbirdə uşaqlar üçün rəqslər, rəngarəng çıxışlar, digər sürprizlər təşkil olunub. Geniş konsert proqramı ilə davam edən şənliyin sonunda uşaqlara “Peppa və onun dostları” tamaşası göstərilib və bayram hədiyyəsi paylanılıb.

Dörd gün davam edən bayram şənliyində 600-dən çox uşaq və məktəbli iştirak edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.