İQTİSADİYYAT


Bakı dairəvi dəmir yolunda elektrik təchizatı yenilənir

Bakı, 7 may, AZƏRTAC

“Azərbaycan Dəmir Yolları” QSC-nin İnfrastruktur Departamenti “Əsaslı Təmir” MMC tərəfindən Bakı dairəvi dəmir yolunda elektrik təchizatı yenilənir.

QSC-nin ictimaiyyətlə əlaqələr şöbəsindən AZƏRTAC-a bildirilib ki, Prezident İlham Əliyevin 2018-ci ilin mart ayında imzaladığı “Bakı şəhərətrafı dəmir yolu xəttinin layihə-smeta sənədlərinin hazırlanması, əsaslı təmiri və tikintisi ilə bağlı tədbirlər haqqında” Sərəncamının icrası istiqamətində işlər davam edir. Hazırda “Azərbaycan Dəmir Yolları” QSC-də bir sıra istiqamətlərdə işlər aparılır.

Nərimanov stansiyasından Sabunçu stansiyasına qədər olan dəmir yolu xəttində 73 ədəd qəzalı kontakt şəbəkəsi dayaqları yenisi ilə əvəz olunub. Sabunçu stansiyasında 30 ədəd yeni kontakt şəbəkəsi dayağı qoyulub və 8 ədəd rigel quraşdırılıb eləcə də kontakt şəbəkəsi çəkilib və nizamlanıb.

Hazırda təmir işləri davam etdirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.