İDMAN


Bakı marafonunun mükafatçısı: Yarış yüksək səviyyədə təşkil olunub

Bakı, 15 may, AZƏRTAC

Bakı marafonunda iştirak etmək üçün Türkiyədən gəlmişəm. 1 saat 6 dəqiqə nəticə ilə ikinci sırada yer aldım. Dörd il əvvəl – 2018-ci ildə Bakıya gəlmişdim və yarımarafonda üçüncü olmuşdum. Ümid edirəm ki, gələn il qalib olacağam.

Bunu AZƏRTAC-a məxsusi müsahibəsində “Bakı Marafonu 2022”də kişilər arasında yarışda ikinci yeri tutan türkiyəli atlet Ömər Alkan deyib.

Əslən Mardin şəhərindən olan türkiyəli idmançı qeyd edib ki, 2021-ci ildə Bolqarıstanda təşkil edilmiş Varna marafonunda birinci olub. Ötən il Türkiyədəki marafonda qalib gəlib. Avqustda Almaniyada keçiriləcək Avropa çempionatında iştirak etmək üçün Münhenə gedəcək.

“Mən qardaş Azərbaycanı çox sevirəm. Yarış yüksək səviyyədə təşkil olunub. Çox sevindim ki, pandemiyadan sonra yenidən Bakıda yarımarafon keçirilir. İnşallah hər il bu yarış keçirilər və mən də məmnuniyyətlə iştirak edərəm”, - deyə Ö.Alkan vurğulayıb.

Xatırladaq ki, marafonda iştirak üçün Azərbaycan vətəndaşları ilə yanaşı, ölkəmizdə yaşayan, çalışan əcnəbilər, eləcə də bir sıra ölkələrdən nümayəndələr də müraciət etmişdilər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.