Bakı şəhər sakininə qarşı soyğunçuluq edilib

Bakı, 2 iyun, AZƏRTAC 

Paytaxtda soyğunçuluqla məşğul olan şəxslər tutulublar.

Daxili İşlər Nazirliyinin mətbuat xidmətindən AZƏRTAC-a bildiriblər ki, mayın 31-də Bakı şəhər sakini S.Babayevanın içərisində 540 manat məbləğində pul, təqaüd kartı və sənədlər olan çantasını soyğunçuluq yolu ilə almaqda şübhəli bilinən paytaxt sakini B.Hacıyev və Abşeron rayon sakini, əvvəllər məhkum olunmuş R.İsmayılov Yasamal Rayon Polis İdarəsinin 28-ci polis bölməsi əməkdaşlarının keçirdikləri əməliyyat-axtarış tədbirləri nəticəsində saxlanılıblar.

Faktla bağlı araşdırma aparılır.