MƏDƏNİYYƏT


Bakı teatrlarının həftəsonu repertuarı

Bakı, 8 may, AZƏRTAC

Azərbaycan Dövlət Akademik Milli Dram Teatrının yaradıcı kollektivi həftəsonu beş səhnə əsəri ilə çıxış edəcək.

AZƏRTAC xəbər verir ki, sənət ocağında təqdim ediləcək tamaşalar çağdaş və klassik yazıçıların əsərləri əsasında hazırlanıb.

Teatrın səhnəsində mayın 10-da “Boy çiçəyi”, 11-də “Nindza tısbağalar” və “Şah Qacar” tamaşaları göstəriləcək. Mayın 12-də isə teatrsevərlər “Anamın kitabı” və “Ah, bu uzun sevda yolu” tamaşalarına baxa biləcəklər.

A.Şaiq adına Azərbaycan Dövlət Kukla Teatrı da digər sənət ocaqları kimi maraqlı tamaşalarla balacaları sevindirəcək.

Teatrın yaradıcı heyəti bu həftə üçü rus, üçü isə Azərbaycan dilində olmaqla 6 səhnə əsəri ilə balaca tamaşaçılarının görüşünə gələcək. Belə ki, balacalar mayın 10-da “Cırtdan”, “Üç cəsur” (rus dilində” 11-də “Əlibaba və qırx quldur”, “Qoğal” (rus dilində) tamaşalarını izləyəcəklər. Həmçinin, mayın 12-də “Kəloğlan” və “Qaçaq Əhməd” (rus dilində) tamaşalarına baxa biləcəklər.

Azərbaycan Dövlət Akademik Musiqili Teatrında həftəsonu maraqlı tamaşalar göstəriləcək.

Sənət ocağının səhnəsində beş səhnə əsəri nümayiş ediləcək. Belə ki, teatrsevərlər mayın 10-da “Qafqazlı qardaşqızı” (rus dilində), 11-də isə "Qoğalın macarcası” (rus dilində), “Mən dəyərəm min cavana” tamaşalarına baxa biləcəklər. Mayın 12-də isə “Buratino” və “999-cu gecə” nümayiş ediləcək.

Biletləri şəhərin bütün teatr-konsert kassalarından və “ASAN xidmət” mərkəzlərindən, eləcə də iticket.az saytından əldə etmək olar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.