CƏMİYYƏT


Bakıda 15 obyektdən oğurluq edən şəxslər saxlanılıb

Bakı, 17 aprel, AZƏRTAC

Xətai rayonu ərazisindəki mağazalardan birinin sahibi 37-ci polis şöbəsinə müraciət edərək marketdən 250 manat məbləğində pulun, danışıq kartlarının və tütün məmulatlarının naməlum şəxslər tərəfindən oğurlandığını bildirib.

Daxili İşlər Nazirliyinin mətbuat xidmətindən AZƏRTAC-a bildiriblər ki, faktla əlaqədar Xətai Rayon Polis İdarəsinin 37-ci polis şöbəsi əməkdaşları tərəfində əməliyyat-axtarış tədbiri keçirilib. Həmin cinayəti törətməkdə şübhəli bilinən şəxs - əvvəllər məhkum olunmuş Rəşad Bayramlı və Kürdəmir rayon sakini Nicat Yunusov saxlanılıblar. Onlar ifadələrində oğurluq hadisəsini törətdiklərini etiraf ediblər.

Xətai Rayon Polis İdarəsində saxlanılan şəxslərin ətraflarında aparılan əməliyyat tədbirləri ilə onların rayon ərazisində əlavə olaraq 9 mağazadan, 2 həyətyanı sahədən və 3 saxlanc yerindən pul, tütün məmulatları və məişət əşyaları oğurladıqları məlum olub.

Faktlarla bağlı saxlanılan şəxslər barəsində Xətai Rayon Polis İdarəsinin istintaq şöbəsində Cinayət Məcəlləsinin müvafiq maddəsi ilə cinayət işi başlanılıb, istintaq tədbirləri davam etdirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.