Bakı, 25 yanvar (AZƏRTAC). Bakıda 174 avtobus marşrutu fəaliyyət göstərəcəkdir.

Nəqliyyat Nazirliyindən AZƏRTAC-a bildirmişlər ki, paytaxtda İntellektual İdarəetmə Sisteminin tətbiqi ilə əlaqədar mövcud marşrut xətlərində dəyişikliklər edilərək, 217 marşrutun optimallaşdırılmasından sonra 174 marşrutun saxlanması nəzərdə tutulmuşdur. Marşrutlar üçün pasport nümunəsinin və hərəkət sxemlərinin elektron xəritəsinin hazırlanması ilə bağlı müvafiq işlər görülmüşdür.

Hazırda Bakı şəhəri marşrutlarında cəmi 2321, o cümlədən 1423 iritutumlu, 985 ortatutumlu və şəhərətrafı marşrutlarda 13 kiçiktutumlu avtobus işləyir.