Bakı, 21 fevral (AZƏRTAC). Bakıda avtomobillərin park edilməsi üzrə vahid tarif tətbiq olunacaqdır.

AZƏRTAC xəbər verir ki, bu sözləri Nəqliyyatın İntellektual İdarəetmə Mərkəzinin baş direktoru Elnur Abdullayev demişdir.

Nəqliyyat Nazirliyi tərəfindən zonalara görə müəyyən olunmuş təkliflərin Tarif Şurasına təqdim olunduğunu bildirən E.Abdullayev bu istiqamətdə il ərzində real addımların atılacağını söyləmişdir.

Qeyd olunmuşdur ki, hazırda paytaxtda 160-170 yerüstü avtomobil dayanacağının tikintisi planlaşdırılır. Həmin avtomobil dayanacaqlarının təxminən 80 faizi 300-1000 avtomobil üçün nəzərdə tutulur. Tikiləcək bu dayanacaqlar arasında 2000 avtomobil tutumuna malik dayanacaqlar da olacaqdır.