CƏMİYYƏT


Bakıda Azərbaycan travmatoloq və ortopedlərinin III qurultayı keçirilib YENİLƏNİB VİDEO

Bakı, 11 may, Əziz Məmmədov, AZƏRTAC

Bakıda Azərbaycan travmatoloq və ortopedlərinin III qurultayı keçirilib.

AZƏRTAC xəbər verir ki, tədbirdə Gəncə, Sumqayıt, Naxçıvan və ölkənin digər bölgələrindən təqribən 300 travmatoloq və ortoped, habelə Rusiya, Türkiyə və İsraildən dəvət olunmuş mütəxəssislər iştirak ediblər.

Səhiyyə nazirinin müavini Rəhim Əliyev çıxış edərək bildirib ki, son vaxtlar səhiyyə sisteminin idarə edilməsinin təkmilləşdirilməsinə, tibbi müəssisələrin maddi-texniki bazasının genişləndirilməsinə, yeni tibbi texnologiyaların tətbiqinə yönəlmiş tədbirlər həyata keçirilir. Tibbi kadrların, o cümlədən travmatologiya və ortopediya üzrə mütəxəssislərin hazırlanması sahəsində ciddi uğurların qazanılması vurğulanıb.

Səhiyyə Nazirliyinin baş travmatoloqu, Travmatologiya və Ortopediya Elmi-Tədqiqat İnstitutunun direktoru, professor İlqar Qasımov bildirib ki, ikigünlük konfrans zamanı mütəxəssislərin travmatologiya və ortopediyanın aktual problemlərinə, travmatoloji-ortopedik yardımın təşkilinin müasir aspektlərinə, travmatologiya və ortopediyada innovativ texnologiyalara (osteosintez, endoprotezləşdirmə, artroskopiya və s.), bud-çanaq oynağının protezləşdirilməsi (artroplastika), sümük onkologiyası, dayaq-hərəkət sistemi xəstəliklərində şüa diaqnostikasına dair məruzələri dinlənilib.

Tədbirdə Azərbaycan və xarici ölkə mütəxəssisləri “Diz oynağı endoprotezi dizaynının müasir tendensiyaları” (professor Andrey Kaminski – Rusiya), “Onurğa cərrahiyyəsinin additiv texnologiyaları” (professor Aleksandr Kuleşov – Rusiya), “Əl cərrahiyyəsində yeniliklər” (professor Fikrət Qafarov, A.Abdullayev, Q.Babayev, R.Ruindej, A.Məmmədova – Azərbaycan), “Diz artroplastikası: turniket və turniketsiz?” (professor İlqar Qasımov, N.Məmmədov, S.Quliyev, A.Ələkbərov - Azərbaycan) və başqa məruzələrlə çıxış ediblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.