İDMAN


Bakıda “Böyük dəbilqə” turnirinin ikinci gününün yarışları start götürüb

Bakı, 11 may, AZƏRTAC

Mayın 11-də Bakıda ümummilli lider Heydər Əliyevin xatirəsinə həsr olunan "Böyük dəbilqə" beynəlxalq turnirinin ikinci gününün yarışları start götürüb.

AZƏRTAC xəbər verir ki, Heydər Əliyev adına İdman Sarayında keçirilən nüfuzlu turnirin ikinci günündə Azərbaycanın 12 cüdoçusu qüvvəsini sınayır. Kişilərin yarışında Rüstəm Orucov, Hidayət Heydərov, Telman Vəliyev, Rüfət Məmmədov (73 kq), Murad Fətiyev, Afiq Səfərli, Araş Ağayi, Hasil Cəfərov (81 kq) mübarizə aparırlar.

Qadınlar arasında isə təmsilçilərimiz Diana Şoranova, Nuriyyə Axundova (63 kq), Aidə Baxışova, Günel Həsənli (70 kq) güclərini sınayacaqlar.

Yarışların birinci günündə Nicat Şıxəlizadə (66 kq) Azərbaycan komandasının aktivinə gümüş medal yazdırıb.

Mayın 12-dək davam edəcək turnirdə 57 ölkədən 449 cüdoçu mübarizə aparır. Azərbaycan millisi bu turnirə 43 idmançı (28 oğlan, 15 qız) ilə qatılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.