İDMAN


Bakıda Formula 2 yarışlarına yekun vurulub

Bakı, 6 iyun, AZƏRTAC

Bakıda Formula 2 yarışlarına yekun vurulub.

AZƏRTAC xəbər verir ki, Formula 2 yarışlarında hər biri iki pilotla təmsil olunan 11 komanda birincilik uğrunda mübarizə aparıb. Pilotlar Bakı şəhər halqasında 28 dövrə vurublar.

Üçüncü sprint yarışında “Hitech Grand Prix” komandasının pilotu Jüri Vips birinci olub. “Prema Racing”in üzvləri Oskar Piastri və Robert Şvartsman ilk üçlüyü tamamlayıblar.

Formula 1 Azərbaycan Qran-Prisinin birinci günündə - iyunun 4-də pilotlar sərbəst yürüşdə güclərini sınayıblar. Yürüşdə “Hitech Grand Prix” komandasının pilotu Jüri Vips bütün rəqiblərini qabaqlayıb. “Campos” komandasından Ralf Boşunq sərbəst yürüşü ikinci, “Art Grand Prix”in sürücüsü Theo Pourçaire üçüncü yerdə başa vurublar.

Həmin gün keçirilən Formula 2 yarışının sıralanma turunun qalibi “Hitech Grand Prix” komandasının pilotu Liam Layson olub. Onun komanda yoldaşı Jüri Vips ikinci, “Prema Racing” komandasının pilotu Oskar Piastri isə üçüncü pillədə qərarlaşıblar.

Ötən gün keçirilən birinci sprint yarışında isə “Prema Racing” komandasının rusiyalı pilotu Robert Şvartsman birinci olub. “Carlin”in üzvü Dan Tiktum və “UNİ-Virtuosi” komandasının pilotu Quanyu Jou yarışı ilk üçlükdə tamamlayıblar. İkinci yarışda isə “Hitech Grand Prix” komandasının pilotu Jüri Vips fərqlənib. “Charouz Racing System”in üzvü David Bekmann yarışı ikinci, Cehan Daruvala (“Carlin”) isə üçüncü sırada tamamlayıblar.

Səkkiz mərhələdən ibarət yarışa dekabrın 10-12-də Abu-Dabidə yekun vurulacaq. Bakı yürüşünə qədər keçirilmiş iki yarışın nəticəsinə görə, pilotların sıralamasına “UNİ-Virtuosi” komandasının çinli üzvü Quanyu Jou 68 xalla başçılıq edir. Komandaların sıralamasında isə “Uni-Virtuosi” 97 xalla birincidir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.