ELM VƏ TƏHSİL


Bakıda “İmadəddin Nəsimi və özbək ədəbiyyatı” mövzusunda beynəlxalq konfrans keçiriləcək

Daşkənd, 12 mart, АZƏRTAC

Azərbaycan Prezidenti İlham Əliyev tərəfindən 2019-cu ilin ölkədə “Nəsimi ili” elan edilməsi ilə bağlı Daşkənddəki Heydər Əliyev adına Azərbaycan Mədəniyyət Mərkəzinin (AMM) müvafiq iş planına əsasən il ərzində dahi şairə həsr olunmuş silsilə tədbirlərin keçirilməsi nəzərdə tutulub.

Martın 28-də AMM, Bakıdakı “Kaspi” qəzeti və Təhsil Şirkətinin birgə layihəsi çərçivəsində respublikamızın paytaxtında Azərbaycan və özbək alimlərinin iştirakı ilə “İmadəddin Nəsimi və özbək ədəbiyyati” mövzusunda beynəlxalq elmi konfrans keçiriləcək.

Beynəlxalq Mətbuat Mərkəzində təşkil olunacaq konfransda “Azərbaycan ədəbi dilinin inkişafında İmadəddin Nəsiminin rolu”, “İmadəddin Nəsiminin əsərləri özbək dilində”, “İmadəddin Nəsimi sözünün qüdrəti”, “XV əsr özbək ədəbiyyatında Nəsimidən bəhrələnmələr”, “İmadəddin Nəsimi və folklor”, “Azərbaycan-Özbəkistan ədəbi əlaqələri İmadəddin Nəsimi yaradıcılığı kontekstində”, “İmadəddin Nəsimi və özbək ədəbiyyatı”, “İmadəddin Nəsiminin fəlsəfəsi” mövzularında məruzələr dinləniləcək.

Qulu Kəngərli

AZƏRTAC-ın xüsusi müxbiri

Daşkənd

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.