İDMAN
Bakıda K-1 döyüşü üzrə dünya “Qran-pri” turnirinin final mərhələsi keçirilmişdir [YENİLƏNİB] VİDEO
Bakı, 24 fevral (AZƏRTAC, Məhərrəm Əlioğlu). Fevralın 23-də “Sərhədçi” Olimpiya İdman Mərkəzində K-1 döyüşü üzrə dünya “Qran-pri” turnirinin final mərhələsi keçirilmişdir.
AZƏRTAC xəbər verir ki, əvvəlcə Xocalı faciəsinin qurbanlarının xatirəsi bir dəqiqəlik sükutla yad edilmişdir.
Sonra Milli Məclisin deputatı Fəzail İbrahimli Xocalı faciəsi barədə iştirakçılara ətraflı məlumat vermişdir.
Yarışda bir sıra məşhur idmançılar iştirak etmişlər.
Final mərhələsinin açılışında çıxış edən K-1-in Azərbaycan və Yaxın Şərq üzrə rəsmi nümayəndəsi, “Best of the Best” promoutionun prezidenti, Avropa çempionu Elnur Məmmədov bildirmişdir ki, yarışda azarkeşlər K-1 ulduzlarının döyüşlərini izləyəcəklər. Azərbaycan idmançıları bu yarışa uzun müddətdir ki, hazırlaşırlar. İdmançılarımızın bu yarışda tanınması üçün gözəl şansdır.
Azərbaycanda idmana göstərilən diqqət və qayğıdan danışan E.Məmmədov demişdir ki, Prezident İlham Əliyevin qayğısı nəticəsində respublikamız dünyada idman ölkəsi kini tanınır.
K-1 brendinin sahibi Mayk Kim və K-1 Global holdinqinin direktoru Ned Kuruç tədbirin yüksək səviyyədə təşkil edildiyini bildirmiş, idmançılara uğurlar arzulamışlar.
Qeyd olunmuşdur ki, Azərbaycan bir sıra mötəbər yarışlara ev sahibliyi etmişdir. Belə mötəbər yarışın Azərbaycanda keçirilməsi böyük uğurdur.
Turnirin reqlamentinə əsasən, əsas görüşlərdən əvvəl reytinq döyüşləri keçirilmişdir.
Yarışda Azərbaycan idmançılarından 83 kiloqram çəki dərəcəsində Ruslan Kobzev hollandiyalı Dennis İppemaya, 71 kiloqram çəki dərəcəsində Alim Nəbiyev Böyük Britaniyadan olan Çad Sugdeyə, Ziya Bayramov 77 kiloqram çəki dərəcəsində mərakeşli Omar Al Amraniyə, 72 kiloqramda Tural Bayramov Almaniya idmançısı Marco Groha qalib gəlmişlər.
Digər görüşlərdə isə 85 kiloqram çəki dərəcəsində Samet Keser (Türkiyə) - Lazar Danieli (Rumıniya), 100 kiloqramdan yuxarı çəki dərəcəsində Corc Kolin (Surinam)- Samir Kazımovu (Azərbaycan), 63 kiloqramda Zakaria Zouharry (Mərakeş)- Amil Şahmarzadəni, 72 kiloqramda Miodrag Olar (Rumıniya) - Babək Rüstəmovu (Azərbaycan), 71 kiloqramda Cedrik Manhoef (Surinam) - İsmət Ağazadəni (Azərbaycan) məğlub etmişdir.
Gecənin əsas döyüşlərində məşhur Tailand idmançısı Buakav Bançamek ilə Sung Hyung Le (Koreya Respublikası) qarşılaşmışlar. Bu görüşdə Buakav Bançamek qalib gəlmişdir.
Digər yarımfinal görüşündə isə kanadalı Şane Kampbell Almaniya idmançısı Enriko Kehlə qarşılaşmışdır. Bu görüşdə isə almaniyalı idmançı üstün olmuşdur.
Qaliblərə kuboklar təqdim edilmişdir.
Yarış dünyanın 150-dən çox ölkəsinin televiziya kanalı ilə yayımlanmışdır.
-------
22:24
Reytinq döyüşlərində növbəti görüş 70 kiloqram çəki dərəcəsində Ziya Bayramov (Azərbaycan)- Omar Al Amrani (Mərakeş) arasında keçirilmişdir. Döyüş Azərbaycan idmançısının qələbəsi ilə başa çatmışdır.
Turnirin reytinq görüşlərində 85 kiloqram çəki dərəcəsində Samet Kesser (Türkiyə) - Lazar Daniel (Rumıniya), 72 kiloqram çəki dərəcəsində Tural Bayramov (Azərbaycan) – Marco Groh (Almlaniya), 95 kiloqram çəki dərəcəsində Moises Bautu (İspaniya) – Fabian Gondorf (Niderland), 100 kiloqramdam yuxarı çəki dərəcəsində Ağalar Sadıxzadə (Azərbaycan) - Corc Kolin (Surinam) döyüşəcəklər.
-------
21:56
Reytinq döyüşlərində Azərbaycanın daha bir idmançısı qələbə qazanmışdır.
Turnirdə 71 kiloqram çəki dərəcəsində Alim Nəbiyev (Azərbaycan) - Çad Sugden (Böyük Britaniya) qarşılaşmışlar. Bu görüşdə Azərbaycan idmançısı qalib gəlmişdir.
Digər görüşdə isə 70 kiloqram çəki dərəcəsində İsmət Ağazadə (Azərbaycan) - Cedric Manhoef (Surinam) ilə qarşılaşmışdır. Qonaq idmançı rəqibindən üstün olmuşdur.
Qaliblərə kuboklar təqdim edilir.
Reytinq görüşlərində 70 kiloqram çəki dərəcəsində Ziya Bayramov (Azərbaycan)- Omar Al Amrani (Mərakeş), 85 kiloqram çəki dərəcəsində Samet Kesser (Türkiyə) - Lazar Daniel (Rumıniya), 72 kiloqram çəki dərəcəsində Tural Bayramov (Azərbaycan) – Marco Groh (Almlaniya), 95 kiloqram çəki dərəcəsində Moises Bautu (İspaniya) – Fabian Gondorf (Niderland), 100 kiloqramdam yuxarı çəki dərəcəsində Ağalar Sadıxzadə (Azərbaycan) - Corc Kolin (Surinam) döyüşəcəklər.
-------
20:44
K-1 döyüşü üzrə dünya “Qran-pri” turnirinin final mərhələsi də başlamışdır. AZƏRTAC xəbər verir ki, turnirin reqlamentinə əsasən, əsas görüşlərdən əvvəl reytinq döyüşləri keçirilir.
İlk görüşdə 83 kiloqram çəki dərəcəsində Ruslan Kobzev (Azərbaycan) - Dennis İppema (Niderland) qarşılaşmışlar. Bu görüşdə Azərbaycan idmançısı qalib gəlmişdir.
Növbəti görüşdə isə 63 kiloqram çəki dərəcəsində Amil Şahmarzadə (Azərbaycan) və Zakaria Zouharri (Mərakeş) birincilik uğrunda mübarizə aparırlar.
Reytinq görüşlərində 72 kiloqram çəki dərəcəsində Babək Rüstəmov (Azərbaycan) - Miodrag Olar (Rumıniya), 71 kiloqram çəki dərəcəsində Alim Nəbiyev (Ukrayna) - Çad Sugden (Böyük Britaniya), 70 kiloqram çəki dərəcəsində Ziya Bayramov (Azərbaycan)- Omar Al Amrani (Mərakeş), 70 kiloqram çəki dərəcəsində İsmət Ağazadə (Azərbaycan) - Cedric Manhoef (Surinam), 85 kiloqram çəki dərəcəsində Samet Kesser (Türkiyə) - Lazar Daniel (Rumıniya), 72 kiloqram çəki dərəcəsində Tural Bayramov (Azərbaycan) – Marco Groh (Almlaniya), 95 kiloqram çəki dərəcəsində Moises Bautu (İspaniya) – Fabian Gondorf (Niderland), 100 kiloqramdam yuxarı çəki dərəcəsində Ağalar Sadıxzadə (Azərbaycan) - Corc Kolin (Surinam) döyüşəcəklər.
------
19:40
Fevralın 23-də “Sərhədçi” Olimpiya İdman Mərkəzində K-1 döyüşü üzrə dünya “Qran-pri” turnirinin final mərhələsi başlamışdır.
AZƏRTAC xəbər verir ki, əvvəlcə Xocalı faciəsinin qurbanlarının xatirəsi bir dəqiqəlik sükutla yad edilmişdir.
Sonra Milli Məclisin deputatı Fəzail İbrahimli Xocalı faciəsi barədə iştirakçılara ətraflı məlumat vermişdir.
Yarışda bir sıra məşhur idmançılar iştirak edirlər.
Turnirin reqlamentinə əsasən, əsas görüşlərdən əvvəl reytinq döyüşləri keçiriləcəkdir.
Yarışda 63 kiloqram çəki dərəcəsində Amil Şahmarzadə (Azərbaycan) - Zakaria Zouharri (Mərakeş), 83 kiloqram çəki dərəcəsində Ruslan Kobzev (Rusiya) - Dennis İppema (Niderland), 72 kiloqram çəki dərəcəsində Babək Rüstəmov (Azərbaycan) - Miodrag Olar (Rumıniya), 71 kiloqram çəki dərəcəsində Alim Nəbiyev (Ukrayna) - Çad Sugden (Böyük Britaniya), 70 kiloqram çəki dərəcəsində Ziya Bayramov (Azərbaycan)- Omar Al Amrani (Mərakeş), 70 kiloqram çəki dərəcəsində İsmət Ağazadə (Azərbaycan) - Cedric Manhoef (Surinam), 85 kiloqram çəki dərəcəsində Samet Kesser (Türkiyə) - Lazar Daniel (Rumıniya), 72 kiloqram çəki dərəcəsində Tural Bayramov (Azərbaycan) – Marco Groh (Almlaniya), 95 kiloqram çəki dərəcəsində Moises Bautu (İspaniya) – Fabian Gondorf (Niderland), 100 kiloqram yuxarı çəki dərəcəsində isə Ağalar Sadıxzadə (Azərbaycan) - Corc Kolin (Suriya) ilə döyüşəcəklər.
Gecənin əsas döyüşlərində məşhur Buakav Bançamek iştirak edəcəkdir. Tailand idmançısının rəqibi Sung Hyung Le (Koreya Respublikası) olacaqdır.
Digər yarımfinal görüşündə kanadalı Şane Kampbell Almaniya idmançısı Enriko Keh ilə qarşılaşacaqdır.
Yarış dünyanın 150-dən çox ölkəsinin televiziya kanalları ilə yayımlanır.